2018 жылдың 27 ақпан - 6 наурыз күндері аралығында облыс әкімінің орынбасары Р.Рүстемовтың арнайы тапсырмасымен орта-арнайы және жоғары оқу орындарының жастары мен жасөспірімдері арасында қылмыстылық пен құқық бұзушылықтың алдын алу, заңнамаларды насихаттау бағытында ақпараттық-насихаттық топ құрамы бекітілген болатын. Құрылған ақпараттық-насихаттық топ өз жұмысын «Ақмешіт» гуманитарлық-техникалық институты және Қызылорда көпсалалы гуманитарлық-техникалық колледжінің студенттерімен кездесуден бастады.

Студенттермен өткізілген кездесуге  облыстық ішкі істер департаменті Жергілікті полиция қызметі, облыстық білім басқармасы, облыстық ішкі саясат басқармасының дін мәселелерін зерттеу орталығы, облыстық «Жастар ресурстық орталығы» КММ-нің мамандары қатысып, кездесудің алғашқы сөзін «Ақмешіт» гуманитарлық-техникалық институтының ректоры, т.ғ.к., доцент А.Т.Үргенішбеков бастап ашып, Қазақстан Республикасының білім беру асаласындағы заңнамасын бұзу туралы, соның ішінде қылмыстық кодекстің 187-бабы – ұсақ-түйек жымқыру, 188-бабы – ұрлық туралы және 190-бабы – алаяқтық туралы, оның жауапкершілігі туралы түсіндіріп өтті.

Кездесуге келген арнайы сала мамандары да тонау және қорқытып алу туралы баптарды толық түсіндіріп, салдары неге әкеп соғатынын айтып өтті. Арнайы бейнефильм көрсетіліп, кездесу студенттердің сұрақтарына жауап берумен аяқталды.

01

 

02 03