Қызылорда көпсалалы гуманитарлық-техникалық колледжі жыл сайынғы дәстүр бойынша әйелдер мерекесін сән-салтанатпен қарсы алып, «Сыйынар ем Ана деген Тәңірге!» тақырыбында мерекелік концерттік бағдарлама өткізді. Әдемі безендірілген сахнада колледжіміздің өнерпаз жастары мен белсенді студенттері ән мен күйден шашу шашты.

Мерекелік шара барысында колледж директоры, т.ғ.к., доцент А.Т.Үргенішбеков ұжымдағы  барлық ұстаз-аруларға  шынайы көңілден зор денсаулық, баянды бақыт, отбасыларына береке – бірлік, еңбектеріне табыс тілеп, сонымен қатар, колледждің қоғамдық өміріне белсене қатысқан және білім саласын өркендету саласында аянбай еңбек етіп жүрген бірқатар ұстаз-аруларды 8-наурыз мерекесі қарсанында алғыс хаттармен марапаттады.