2019 жылдың 6-ақпан күні Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің қызметкері Б.У.Нұралы келіп, Қызылорда көпсалалы гуманитарлық-техникалық колледжінің 3 және 4-курс студенттеріне арналған мемлекеттік қызметке орналасу мәселелерін түсіндіру мақсатында семинар өткізді.

Семинар өту барысында мемлекеттік қызметке орналасу тәртібі, кезеңдері, талаптары, конкурс түрлері және оған кімдер қатыса алатыны, қажетті құжаттар тізбесі, тестілеу бағдарламалары туралы ақпараттар толық түсіндіріліп, жадынамалар таратылды. Студенттер департамент қызметкерлеріне көкейдегі сұрақтарын қойып, осындай түсіндірме жұмыстарын жүргізгені үшін ерекше ықыластарын білдіріп, рахмет айтты.