30.09.2019 - 04.10.2019 ж. күндер аралығында «Гуманитарлық-экономикалық пәндер» бірлестігінің ұйымдастырыуымен «Тіл мәртебесі–ел мәртебесі» тақырыбында апталық болып өтті.

Аптаның алғашқы күні апталықтың ашылу салтанатымен басталды. Колледж студенттері өздерінің тілге деген құрметтерін   патриоттық әндермен, билермен, көркемсөз оқумен, жас ақындардың өлеңдерімен көрсетті. Студенттер «Тіл-ұлттың жан тынысы, рухани үні, асыл қазынасы» тақырыбында кітап көрмесімен танысты.

01.10.2019 ж. «Мұқағали - сен мәңгі тірісің!» тақырыбында әдеби кеш болып өтті. Әрі қарай іс-шараның жалғасы ретінде колледж психологы Ж.Байсалова және арнайы пән оқытушысы Г.Ахметова «Тіл құдіреті» атты психологиялық тренинг өткізді.

02.10.2019ж. «Латын әліпбиіне көшу-қазақ тілінің жаңа белесі» тақырыбында дөңгелек үстел болып өтті. Қызылорда облысының Тілдерді оқыту орталығының әдіскері Гауһар Серікқызы қонақ ретінде шақырылып, студенттерге латын графикасын үйренудің оңтайлы әдістерін үйретіп, қызықты ақпараттармен бөлісті. Сонымен қатар «Үштілдік-заман талабы» тақырыбында қазақ тілі мен әдебиеті, орыс тілі мен әдебиеті, ағылшын пәндерінен сұрақтар қамтылып, топ аралық жарыс болып өтті.

03.10.2019 ж. «Язык мой-друг мой!» орыс тілі мен әдебиеті пәнінен викторина сайысы 1-курс оқу топтары арасында өткізілді. Әрі қарай, қала күні мерекесі аясында «Неге маған жырламасқа, Сырда туған елімді?!» атты жыр марафоны болып өтті.»Вт-19о және Стр-19о оқу топтарының арасында «Өзге тілдің бәрін біл, өз тіліңді құрметте...» тақырыбында пікірталас болып өтті.

04.10.2019 ж. күні «Бір ел, бір халық, бір тағдыр» тақырыбында ашық тәрбие сағаты болып өтті. Апталықта ерекше белсенділік көрсеткен студенттер мақтау қағаздармен   марапатталып, алғыстар жарияланды.