22.10.2019 ж. «Ақмешіт» колледжінде дәстүрлі түрде колледжге биыл келген жас мамандарға арналған «Жас мамандар» мектебінің кезекті отырысы өтті.

Кеңес беру отырысында «Жас мамандар» мектебінің жетекшісі Г.Жаркенова жас мамандарға тағайындалған тәлімгерлерді таныстырып, колледж әдіскері Г.Баймұратова оқу процесіне қатысты құжаттарды жүргізу жөнінде нұсқау берді. Сонымен қатар, пән бойынша жұмыс оқу бағдарламасын, және күнтізбелік тақырыптық жоспар, сабақ жоспарын дайындау тәртібін түсіндірді. Колледждің тәрбие жұмыстарына қатысты құжаттарды жүргізу және тәрбиелік шараларды ұйымдастыру тәртібімен «Тәрбие және мәдени көпшілік жұмыстарды ұйымдастыру» бөлімінің меңгерушісі А.Бекенова таныстырса, колледж психологы Ж.Байсалова «Мен және менің ұжымым» тақырыбында тренинг өткізді.