Қазақстан Республикасындағы 2030 жылға дейінгі отбасылық және гендерлік саясат тұжырымдамасын іске асыру бойынша іс-шаралар жоспарына сәйкес, Қызылорда көпсалалы гуманитарлық-техникалық колледжінде жұмыс күні ішінде дене шынықтыру үзілістерін ұйымдастыру қолға алынып, үлкен үзіліс уақыты 11.40-та оқу ғимаратының фойесінде «Дене шынықтыру және спорт» мамандығының оқытушыларының ұйымдастыруымен өткізілді.

         Колледж әкімшілігі дене шынықтыру және спорт – қоғамның ажырамас бөлігі болып табылатындықтан, оқушылар үшін жан-жақты, әртүрлі қолжетімді және пайдалы демалыс уақытын ұйымдастыру жұмысын жолға қоюды мағыналы мақсат деп санайды.