2018 жылғы 26 желтоқсан күні Қызылорда көпсалалы гуманитарлық-техникалық колледжінде «Гуманитарлық-техникалық мамандықтар» бөлімінің ұйымдастыруымен «Құт боп кел қазағыма, Жаңа жылым!»атты студентерге арналған жаңа жылдық кеш өткізілді. Жаңа жылдық кеште колледж директоры, т.ғ.к. А.Т.Шегенбаев студенттерді жаңа жыл мерекесімен құттықтап, мереке барысында колледждің қоғамдық өміріне белсене араласып жүрген бірқатар студенттерді алғысхатпен марапаттады. Жаңа жылдық кеште колледж өнерлі жастары жаңа жылдық әндер шырқап, би билеп, ойындар өткізіп, қатысушыларға көтеріңкі көңіл күй сыйлады. Жаңа жыл кеші мерекелік би кешімен аяқталды.