344Бүгінгі күні заманымыздың талабынан табылып, жастарымызға тәлім-тәрбие мен білім құндылықтарын игертуде өзіндік мол тәжірибесі бар, озық дәстүрлерді жаңғыртып жалғастыратын, еліміздің қарқындап өркендеуі үшін аянбай еңбек етіп келе жатқан келешегі кемел, еңсесі биік білім ордасы - «Ақмешіт» колледжінде 02.09.2019 ж. 30-тамыз – ҚР Конституциясы және 1-қыркүйек – Білім күніне арналған салтанатты жиын өткізілді.

Жиында оқу орнының басшысы А.Т.Шегенбаев ұстаздар, ата-аналар және студенттер қауымына жаңа оқу жылына сәттілік тілеп, құттықтау сөз сөйледі.

Шараға арнайы шақырылған қонағымыз Ж.Н.Байманов өз Отанын шексіз сүйетін, білімді, іскер, елімізді ертеңгі күні әлемге танытатын ізбасарлар тәрбиелеу тұрғысында «Ақмешіт» колледжінің қосар үлесі мол екенін атап өтіп, жаңадан қабылданған студенттерге білімді азаматтар болып шығуларына тілектестік білдірді.

Сондай-ақ, колледж өнерпаз жастары оқу орнына жана аяқ басқан студенттерді ән шашуларымен қарсы алып, белсенді жастардың атынан «Стандарттау, сертификаттау және метрология» мамандығының 3-курс студенті, Алматы қаласында өткен Елбасының «Болашаққа бағдар – рухани жаңғыру» мақаласын насихаттау мақсатындағы «Рухани жаңғыру – жастар назарында» тақырыбындағы Республикалық пікірсайыс турнирының 2-жүлделі орын иегері Бимағанбет Шырайлым 1-курс студенттеріне үндеу оқыды.

Салтанатты мереке білім күніне арналған «Саналы ұрпақ – жарқын болашақ!» тақырыбындағы тәрбие сағатымен жалғасын тапты.

345

345

345

345

345

345