45226.11.2019 ж. «Ақмешіт» колледжінде оқу ордасының табалдырығын аттаған бірінші курс білімгерлерін студенттер қатарына қабылдау кеші өтті. Қиялдарын қанаттарына байлап, асқақ арман жетелеген жас ұландар өмір жолындағы қызықты да, бақытты кез студенттік шақтың басталғанын енді сезінгендей болды.

         Мерекелік кеш шымылдығын ашқан колледжіміздің оқу-әдістемелік жұмыстары жөніндегі орынбасары Ж.Жакипова мектеп бітіріп, үлкен өмірге жолдама алу, студент атану – әрбір жастың арманы екендігін, студенттік жылдар – саналы өмірдің ең бір шаттыққа толы кезеңі екендігін, осы қуанышқа толы сәттерді тиімді пайдалана отырып, білімнің тереңіне бойлауға шақырып, әрқашан да демеу болатынын айтты. Сондай-ақ бірқатар студенттерді колледж қоғамдық өміріне белсене араласқаны үшін, директордың, «Жастар ресурстық орталығы» мекемесінің және «Жас Отан» жастар қанаты филиалының алғысхаттарымен марапаттады.

Мерекелік кеште бітіруші-белсенді озат студенттер 1-курс студенттеріне салтанатты түрде дәстүрлі сынақ кітапшасын, білім кілтін және студенттік билетті табыстап, өз кезегінде 1-курс студенттері арасынан озат студенттер шығып,колледж абыройын асқақтатуда зор жетістіктерге жетуге ант берді.

Концерттік бағдарлама, фуршетпен жалғасқан шара би кешіне ұласты.

452

452

452

452

452

452