Бала құқығын қорғау, зорлық-зомбылыққа қарсы күрес жүргізу мақсатында «Ақмешіт» колледжінде 2020 жылдың 15-қаңтар күні «Гуманитарлық-экономикалық пәндер» бірлестігінің оқытушыларының ұйымдастыруымен «Әлекке түсірген әлімжеттік» тақырыбында Қызылорда қалалық полиция басқармасы Жергілікті полиция қызмет бөлімінің ювеналды полиция бөлімшесінің аға инспекторы С.Б.Исаевпен кездесу өтті.

Шара барысында заңды білмегендіктен заңсыз істер жасап, зардап шегіп, өзін қорғай алмай жүрген студенттер туралы әңгімелер айтылып, мысалдар келтіріліп, бейнебаяндама көрсетіліп, колледж студенттері осы тақырыпта эссе жазды.

Жазылған эссе талданып, студенттер пікірталас алаңына шақырылып, өз ойларын ортаға салды. «Қарғысқа ұшыратқан балық» туралы бейнефильм көрсетіліп, түйін шығарылып, қорытынды жасалды. МСХ-18о оқу тобынң студенті Т.Сейілхан «Мен заңды қаншалықты білемін?» тақырыбында баяндама жасап, көпшілікке ситуациялық сұрақтар қойып, әлімжеттіктің арты неге әкеліп соғатыны туралы айтты.