24-28.02.2020 ж. аралығында «Кәсіби техникалық пәндер» бірлестігінің ұйымдастыруымен «Ел болашағы – білікті маман қолында» тақырыбында апталық өткізілді. Апталық барысында студенттер арасында түрлі сайыстар, бірлестікке қарасты үйірменің жарыстары, дәріс сабақтары, интеллектуалды ойындар сайысы, ашық сабақтар өткізілді.
Апталықтың алғашқы күні бірлестік жетекшісі А.Қ.Торының жетекшілігімен «Кітаптан ғаламтор озды ма?» атты пікірсайыс және Б.Тілемісова мен З.Алтынбайдың ұйымдастыруымен «Ветеринария» мамандығында білім алушыларға арналған «Мамандық таңдау маңызды шешім» тақырыбында сала мамандарымен кездесу өткізілді.
- ірлестік оқытушысы С.Жанзакова «Қоршаған орта мен еңбекті қорғау» пәні бойынша ОП-16оР оқу тобына «Өндірістік шу және діріл» тақырыбында ашық сабақ өткізді.Сонымен қатар «Имандылық-ізгілік негізі» тақырыбында облыстық ішкі саясат департаменті «Дін ғылымдарын зерттеу» орталығынан келген теолог-маман Б. Оспановтың қатысуымен дөңгелек үстел өтті.
Осы күні Ф.Жетібайдың ұйымдастыруымен А.Құнанбаевтің 175 жылдығына сәйкес «Абай –дана, Абай-дара қазақта!» тақырыбында ашық тәрбие сағаты өткізілді. Іс-шараға № 6 кітапханадан қонақтар шақырылып кітап көрмесі қойылды.
