Елбасы Н.Ә.Назарбаевтың «Болашаққа бағдар: рухани жаңғыру» бағдарламасы аясындағы «Ұлы даланың жеті қыры» атты мақаласында атқа міну мәдениеті мен жылқы шаруашылығы жер жүзіне Ұлы даладан тарағаны тарихтан белгілі екендігі айтылған. Осыған орай облыстық тарихи-өлкетану музейі 2019 жылдың 15-ақпан күні көркемсурет галлереясында «Ұлы ала елінің тұғырлы тарихы» атты көрме ұйымдастырып, колледж студенттері айтулы көрмеге қатысып, сан ғасырлар бойы Ұлы даланы мекендеген көшпелі халықтың қанаты болған жылқының тарихына қатысты суреттерді, салт атты жауынгерлердің ықшам киім үлгілерін тамашалап қайтты. Қазақ халқының тарихын танып білуге үлес қосқан бұл шара студенттер үшін зор мәнге ие болды.